مصنفہ : مقدس نعیم ایک بات جو میں نے زندگی سے سیکھی وہ یہ کہ رشتے نہیں توڑنے چاہیے ، نہ ہم توڑ سکتے ہیں ۔ یاد رہے یہاں میں خونی رشتوں کی بات کر رہی ہوں ۔ماں باپ بہن بھائی کے علاوہ بھی ہمارے رشتے ہوتے ہیں ۔مگر جب کوئی آپ کا دل دکھائے بار بار آپ پر طنز کرے ، آپ کو نیچا دکھائے ، آپ کی سیلف ریسپیکٹ کو ہرٹ کرے تو یہاں ہم ان رشتوں کو توڑ نہیں سکتے ۔۔۔کیوں ؟ ایک تو یہ اللہ کے حکم کے خلاف ہے ۔رشتوں کو عربی میں رحم کہتے ہیں اور اس کو توڑنے والوں کے متعلق سخت وعید آئی ہے قرآن و حدیث میں ۔ پھر کیا کریں ؟ ایسے میں ہم ایک کام کر سکتے ہیں ۔۔۔باؤنڈریز ۔۔۔یس آپ نے صحیح سنا ۔ ہمیں اپنے اور اس رشتے کے درمیان میں ایک باونڈری لائن کھینچنی ہو گی۔ آپ رشتوں کو ختم نہیں کر سکتے ،آپ بات کرنا بھی نہیں چھوڑ سکتے ،انسان کی فطرت میں نہیں ہے نہ کہ وہ یک لخت رشتوں کو ختم کر دے مگر ہم اپنی حدود کو قائم تو رکھ سکتے ہیں ناں۔ آپ اچھے سے بات کریں ، آپ وہ سب کریں جو ایک رشتے کو قائم رکھنے کے لیے کیا جا سکتا ہے مگر ایک لائن کھینچ لیں اور بتا دیں آپ مجھ سے آئندہ اس طرح بات نہیں کریئے گا۔ میں آپ کی رسپیکٹ کرتی/ کرتا ہوں مگر میری بھی سیلف ریسپیکٹ ہے ۔ان کو ایک دو بار پیار سے بتائیں اور اپنی حدود کو ٹوٹنے مت دیں اگر وہ بار بار آپ کو ہر ٹ کریں آپ کی کھنچی ہوئی باونڈری لائن کو بار بار کراس کریں تو پیچھے ہٹ جائیں ۔پیچھے ہٹ جانا رشتہ ختم کرنا نہیں ہوتا بلکہ خود کو مزید اذیت سے روک لینا ہوتا ہے ۔آپ خود کو اذیت میں نہیں ڈالیں نہ ان کو دوبارہ کوئی بات کہنی ہے ۔ یہ میں نے خونی رشتوں کی بات کی ہے ۔ ایسے رشتے جو خونی نہیں ہے مگر ان کا ایک اہم رول آپ کے گھر میں ۔ محرم رشتوں کی بات کی جائے تو وہاں بھی آپ کو اپنی حدود کا خیال رکھنا ہے ۔آپ کو کوئی بات بری لگے تو فورا سے طلاق کا مطالبہ نہ کریں ۔ ایڈجسٹ کرنے کی کوشش کریں اور اپنے پارٹنر کو سمجھائیں۔ جب آپ کو لگے کہ آپ نہیں چل سکتے تو علیحدگی اختیار کر لی اور وہ بھی خوش اسلوبی سے ۔ جملہ حقوق بحق مصنفہ محفوظ ہیں ۔